"O verán recen comenzado exalta os ánimos dos máis novos. E torna a noite na aldea solitaria, pra ollada cidadá, nunha fermosa festividade de bulicio e alegría. O Miño ao lonxe sumido na súa quietude estival como se o paso dos meses fose deixando nel ano tras ano unha fatiga e un acougo inquietantes, e a muda testemuña destas andanzas, mentras o viño brota das villas nas bodegas e a vexetación privilexiada dunha terra de agua e sol desprende os arrecendos nunha plasmación moi nosa do que puido ser o paraíso. " (Manuel Forcadela 1991)
O desdén da historia dun pobo é o maior dos fracasos como sociedade. Non interesarse polo que se ten nin poñer en valor o patrimonio etnográfico é como perder as túas raíces. Todo o conservado ata os nosos días, son eses escintileos de antigos tempos agora perdidos, son os que nos dan luz ao noso pasado e os gardiáns de antigos costumes, agora xa case esquecidos polo resto da xente. Utilizando esta época dixital e no medio de esta pandemia, nace este blog, coa mellor disposición para sumar o noso pequeno gran de area á conservación e divulgación de todo o que lles pode ofrecer a miña terra, así pois, comezamos e sexan benvidos a Forcadela.

Agradecementos

Antes de nada e en primeiro lugar quixera dar as grazas a toda a xente que fixo e fai posible este proxecto, en primeiro lugar a miña moza por apoiarme nesta paixón e lendo libros e libros, despois a meu xefe e compañeiro por compartir coñecementos e darme sempre un punto de vista diferente, e por suposto aos meus amigos por compartir material, ánimo e horas de investigación. 

Quixera dar as grazas polos videos cedidos por David e Adriana para investigación no artigo da Pesqueira e a miña prima Pura pola súa colaboración que fixo posible o artigo sobre o Muiño do Cadaval. 



2 comentarios:

  1. Santy26 de marzo de 2021, 15:59

    Este comentario foi eliminado polo autor.

    ResponderEliminar
  2. Santy26 de marzo de 2021, 16:13

    Moi interesante o que queres transmitir desta fermosa terra. Non coñecía á historia do noso pobo, sen dúbida de aquí en adiante entrarei máis no blog para aprender e descubrir máis cousas sobre a terra que nos viu nacer. Un saúdo

    ResponderEliminar

Subscribirse a: Publicacións (Atom)